༄༅། །རྟེན་འབྲེལ་གྱི་སྒོམ་ཐབས་གཉིས་ཀྱི་ཞལ་གདམས་ཚིགས་སུ་བཅད་པ་བཞུགས་སོ།།
རྣལ་འབྱོར་རིག་པའི་སེང་གེ་ལ་གནང་བ། ཐམས་ཅད་མཁྱེན་དང་འགྲོ་བའི་མགོན། །རྩ་བའི་བླ་མར་ཕྱག་འཚལ་ལོ། །དབེན་པའི་རི་ལ་བསམ་གཏན་གྱི། །ཁང་བུ་ཤིན་ཏུ་ཡིད་འོང་བར། །བསེ་རུ་ལྟ་བུར་འདུག་པར་བྱ། །གྲོགས་ལྡན་སྨྲ་བ་བཅད་ནས་ཏེ། །རྣམ་སྣང་གི་ནི་ཆོས་བདུན་གྱིས། །རང་ཉིད་ཐུབ་པར་བལྟས་བྱས་ནས། །ལམ་ཟབ་བླ་མའི་རྣལ་འབྱོར་བྱ། །མདུན་དུ་ཟླ་བའི་དཀྱིལ་འཁོར་ལ། །བརྟེན་ཏེ་རང་སེམས་འདུལ་བར་བྱ། །འདས་ལ་མི་མནོ་མ་འོངས་པ། །མི་སེམས་ད་ལྟར་དཔྱད་མི་བྱ། །མ་ཡེངས་མ་བཅོས་ལྷུག་པར་བཞག །མར་མེའི་རྩེ་མོ་བཅིངས་པ་དང་། །ཆུ་བོའི་རྒྱུན་བཞིན་ཀུན་ཏུ་བསྐྱངས། །གང་མཐོང་གང་སྣང་དེ་ཉིད་ལས། །སྟོང་ཉིད་གཞན་དུ་མི་རྙེད་པས། །ཚོགས་དྲུག་མི་སྤོང་ཐོག་ཏུ་བཞག །མི་མཐུན་ཐམས་ཅད་གྲོགས་སུ་འཁྱེར། །ཇི་ལྟར་ཤར་ཡང་བཟོ་མི་བྱ། །བྱམས་དང་སྙིང་རྗེའི་ཆུ་ཡིས་བརླན། །བྱང་ཆུབ་སེམས་ཀྱིས་ཡུན་དུ་བསྐྱངས། །རྗེས་ལ་དགེ་བ་རྒྱ་ཆེར་སྤེལ། །སེམས་ཅན་ཀུན་ལ་བགོ་བར་བྱ། །སྡིག་པ་མཐའ་དག་སྦྱང་བར་བགྱི། །ཀུན་གྱི་དུཿཁ་གང་ཡིན་འཁུར། །མོས་གུས་ཀྱི་ནི་གྲོགས་མཆོག་བཙལ། །དེ་ལྟར་བཤད་འདི་མདོ་ཙམ་སྟེ། །བླ་མའི་གསུང་གིས་བརྒྱན་པར་བྱོས། །ཞེས་པའོ།།
0 Comments
ཐུགས་འཆར་བཀོད་གནང་།