གསོལ་འདེབས་མ་རིག་མུན་སེལ་མ་ཞེས་བྱ་བ་བཞུགས་སོ།།

རྗེ་བཙུན་བསྟན་འཛིན་དོན་གྲུབ་ལ་ན་མོ།

 

༄། །མ་རིག་མུན་སེལ་དཔལ་ལྡན་བླ་མ། །ཐར་པའི་ལམ་སྟོན་དཔལ་ལྡན་བླ་མ། །འཁོར་བའི་ཆུ་སྒྲོལ་དཔལ་ལྡན་བླ་མ། །དུག་ལྔའི་ནད་སེལ་དཔལ་ལྡན་བླ་མ། །ཡིད་བཞིན་ནོར་བུ་དཔལ་ལྡན་བླ་མ། །རིགས་རྣམས་ཀུན་གྱི་བདག་པོ། །དཀྱིལ་འཁོར་ཀུན་གྱི་གཙོ་བོ། །བརྟན་གཡོ་ཀུན་གྱི་ཁྱབ་བདག །འཁོར་འདས་ཀུན་གྱི་དཔལ་མགོན། །སྐུ་བཞི་ཡེ་ཤེས་ལྔའི་བདག་ཉིད། །དྲུག་པ་རྡོ་རྗེ་འཆང་གི་ངོ་བོ། །ཆོས་སྐུ་འགྱུར་མེད་ཀྱི་ངོ་བོ། །ཆོས་སྐུ་ཀུན་ཁྱབ་ཀྱི་ངོ་བོ། །ཆོས་སྐུ་བདེ་ཆེན་གྱི་ངོ་བོ། །གཉིས་མེད་ཡེ་ཤེས་ཀྱི་ངོ་བོ། །ལྷན་སྐྱེས་ཡེ་ཤེས་ཀྱི་ངོ་བོ། །མཉམ་མེད་དྭགས་པོ་དཀར་བརྒྱུད། །དཔལ་ལྡན་འབྲུག་པ་ཡབ་སྲས། །དྲིན་ཅན་རྩ་བའི་བླ་མས། །ཐུགས་རྗེའི་སྤྱན་གྱིས་གཟིགས་ཤིག །མ་རིག་མུན་པས་བསྒྲིབས་ལ། །ཐུགས་རྗེའི་སྤྱན་གྱིས་གཟིགས་ཤིག །དུག་ལྔའི་ནད་ཀྱིས་མནར་ལ། །ཐུགས་རྗེའི་སྤྱན་གྱིས་གཟིགས་ཤིག །གར་འགྲོ་གཏད་སོ་མེད་ལ། །ཐུགས་རྗེའི་སྤྱན་གྱིས་གཟིགས་ཤིག །འཆི་བ་ཡོང་སྙམ་མེད་ལ། །ཐུགས་རྗེའི་སྤྱན་གྱིས་གཟིགས་ཤིག །ཚེ་ཐུང་བློ་སྣ་རིང་ལ། །ཐུགས་རྗེའི་སྤྱན་གྱིས་གཟིགས་ཤིག །འཇིག་རྟེན་ཆོས་བརྒྱད་མཁན་ལ། །ཐུགས་རྗེའི་སྤྱན་གྱིས་གཟིགས་ཤིག །འཇིག་རྟེན་ཆོས་བརྒྱད་མཁན་ལ། །ཐུགས་རྗེའི་སྤྱན་གྱིས་གཟིགས་ཤིག །ལྟོ་གོས་ཞེན་པ་ཅན་ལ། །ཐུགས་རྗེའི་སྤྱན་གྱིས་གཟིགས་ཤིག །དྲན་མེད་འཁྲུལ་པར་ཤོར་ལ། །ཐུགས་རྗེའི་སྤྱན་གྱིས་གཟིགས་ཤིག །གཟུང་འཛིན་སྒྲོག་གིས་བཅིངས་ལ། །ཐུགས་རྗེའི་སྤྱན་གྱིས་གཟིགས་ཤིག །ཁ་དང་ཞེ་ཕུགས་འཛོལ་ལ། །ཐུགས་རྗེའི་སྤྱན་གྱིས་གཟིགས་ཤིག །ཐོས་མེད་མུ་ཅོར་སྨྲ་ལ། །ཐུགས་རྗེའི་སྤྱན་གྱིས་གཟིགས་ཤིག །བསམ་མེད་མཁའ་ལྟར་ལུས་ལ། །ཐུགས་རྗེའི་སྤྱན་གྱིས་གཟིགས་ཤིག །སྒོམ་མེད་དྲེད་པོར་ཤོར་ལ། །ཐུགས་རྗེའི་སྤྱན་གྱིས་གཟིགས་ཤིག །བློ་བསྐྱེད་ཡོང་དུས་མེད་ལ། །ཐུགས་རྗེའི་སྤྱན་གྱིས་གཟིགས་ཤིག །སྐྱབས་མགོན་རེ་ས་གཞན་ན་མི་འདུག །ཐུགས་རྗེའི་སྤྱན་གྱིས་གཟིགས་ཤིག །དཔལ་ལྡན་བླ་མས་བདག་འཛིན་བློ་ཡིས་ཐོངས་པར་བྱིན་གྱིས་རློབས། །དགོས་མེད་རྒྱུད་ལ་སྐྱེ་བར་བྱིན་གྱིས་རློབས། །ཞེན་པ་ནང་ནས་ལོག་པར་བྱིན་གྱིས་རློབས། །འཁྲི་བ་བཙན་ཐབས་སུ་ཆོད་པར་བྱིན་གྱིས་རློབས། །བླ་མའི་རྣམ་ཐར་འཁྱོངས་པར་བྱིན་གྱིས་རློབས། །ཅི་གསུང་བཀའ་བཞིན་སྒྲུབ་པར་བྱིན་གྱིས་རློབས། །གཉན་ས་རི་ཁྲོད་འགྲིམ་པར་བྱིན་གྱིས་རློབས། །རྩེ་གཅིག་སྒྲུབ་པ་ནུས་པར་བྱིན་གྱིས་རློབས། །སྒྲུབ་པའི་རྒྱལ་མཚན་ཚུགས་པར་བྱིན་གྱིས་རློབས། །ཚེ་དང་སྒྲུབ་པ་མཉམ་པར་བྱིན་གྱིས་རློབས། །སྒྲུབ་ལ་བར་ཆད་མེད་པར་བྱིན་གྱིས་རློབས། །གནས་ལུགས་ལྟ་བ་རྟོགས་པར་བྱིན་གྱིས་རློབས། །འཁྲུལ་མེད་རང་སོ་ཚུགས་པར་བྱིན་གྱིས་རློབས། །རྐྱེན་ངན་གྲོགས་སུ་འཆར་བར་བྱིན་གྱིས་རློབས། །བདག་གཞན་དོན་གཉིས་འགྲུབ་པར་བྱིན་གྱིས་རློབས། །མཆོག་གི་དངོས་གྲུབ་ཐོབ་པར་བྱིན་གྱིས་རློབས། །ལྷ་ཁབ་འཇིག་རྟེན་བློས་བཏང་བས་མཛད་པའོ།།                                                  །།